بسم الله الرحمن الرحيم
الى قروب عازف القصيد
لاحظت في مجموعة رسايل على القروب تهجم البنات على الشباب والشباب على البنات !! شي غريب والله
للشباب : لا تنسى اللي تسبها يمكن تكون أختك ولا تنسى قبل كل هذا انها تكون اختك في الدين قبل لا تكون اختك من نفس العائله اللحين تروح تقارن السعودية بغيرها من البنات تقارن وحده محتشمه بوحده فاتشة ولا علمانية من وجهة نظري يقولك فيه مثل ( كل بيت له حمام ) اعزكم الله لكن موضوع انك انت يا السعودي تتهجم على اللي قاعده في بيتها ومحتشمه و تصون نفسها واهلها وتفضل اللي تتبرج بالشوارع عنها من تفضل انها تكون زوجتك اذا كان فيك دم وغيره طبعا الجواب واضح ولا عليه غبار لكن سالفت هالتهجم والتعصب العاقل من السعوديين ( بالاخص ) ما يرضاه و تقول ماراح اتزوج سعوديه ؟ لا راح تتزوج لان لا امك ولا ابوك يرضون انك تتزوج اجنبيه وهذا الواقع وواجه الواقع ولو كان مر وما الاحظ من بعض الشباب حنز طيحني ولا بابا سامحني وما ياكل الا من ماكدونالدز و غيرها يدق عليه خويه وينك والله بماك عمركم شفتو احد ياكل هامبرجر بعز القايله وكل يوم على نفس الحاله واللي يجيك واحد لابس تي شيرت وردي ولا فوشي ويقول انا فيني من شيم الرجال معليش يمكن اكون قلتها صريحه لكن هذا الواقع وحتى صلاة ربي الله بالخير يجي الواحد تقوله صليت يقول ايه وهو ماصلى له شهرين وبعدها يصلي صلاة تسكيته ولا شاب مايجي البيت اللي بعد الساعه 12 الليل وهو طالع من البيت بعز القايله ولا يجيك واحد خكري مايدري وين الدنيا فيه وان تكلمت عليه قالك روح لا افقشك بالمنديل - لا تعليق - لكن فيه حديث عن الرسول - صلى الله عليه وسلم - فيما معناه : اخشوشنو فان النعم لا تدوم
للبنات : لاحظت من بعض البنات - هداها الله - تقارن هالسعودي اللي يمكن يكون ابوها او اخوها اللي يكف ليل نهار عشان يصرف عليها وهي ولا عليها وتقارنينه بالكلب - اعزكم الله - ولا الحذاء - اجلكم الله - او او او .. لا انا ولا غيري من الشباب السعودي يرضى بهالكلام وشو تبين شخص اجنبي يطبخ لك ولا يغسل ملابسك لا قولي وابيه يجيب عيال عني مو ناقصه تعب وانتي اجلسي على الكنب ولا تكرفين بالعمل واجلسي عل كنبت المجلس ولا المقلط وامسكي ريموت التلفزيون وناظري اخر الموضات وانا في كلامي ما اعم البنات لان بعضهم وبكلمت حق اعترف انها فخر لدولتنا ولديننا وقدوه لنا وحتى لو طلعت برا عارفه حشمتها وحدودها ولا تجيك من بعض البنات مع اني اشك في هذا فرحانه انها مسويه شخصية ولد وانها خشنه قصات شعر وحلاقة موس بنص الحاجب ولا تجي تخشن صوتها لا واخر الموضات جزمه - اعزكم الله- على شكل زبيريه لا باقي تلبسين شماغ وتفكين العباية عندي سؤال للبنات-العاقلات- بالامانة هذي تصلح ام لأولاد ؟ ما اظن مع احترامي لبعض البنات
مع احترامي للجميع